...

{ ملل .. !

ملل يالانتظار الصعب يا حلم نبـت بالتيـه

ملل كل المواعيـد الغبيّـة بكـل  مافيهـا

ملل للرغبة الهشّة لـماتت بين (لا)  و(إيـه)

ملل لأحلام ماتكبر مثل هقـوات  راعيهـا

ملل كل العطا والبذل إذا انه صافح  التشويه

ملل كل الهدايا لو عرفت  أسـرار  مهديهـا

ملل للركض والنظرة ملل للزيف  والتمويـه

ملل للأسئلـة والأجوبـة تخـذل مراميهـا

ملل لأحلام مجنونة تسافر في دروب الـ(ليه)

ملل لأكبر عبارات تخلّـت  عـن  معانيهـا

ملل للأقنعه والأمتعة والوصـف  والتشبيـه

ملل لنفوس حاضرها خجل  قدّام  ماضيهـا

ملل لكفوف ممدودة ماتدرك حكمة الـ(مابيه)

لو إن الفقر فـي كـل احتمالاتـه محنّيهـا

ملل كل الورق والحبر إذا انه  ماصدق  راعيه

ملل لأشعار خانتهـا فـي الغايـة قوافيهـا

ملل للحب للعشق الكسيح وكل ماجا فيـه

ملل لدروب نفرشها ملل  لدروب  نطويهـا

ملل أكبر من اللي نعرفه  وبصمتنـا  نرويـه

ملل كلمة أبيها تحمـل المعنـى ولا  أبيهـا!

ملل خيبة أمل وأشياء كثيرة والنتيجة  إيـه؟

جميـع العيـون نكحّلـهـا  ونعميـهـا!